Adroddiad Blynyddol 2021-22

Cenhadaeth Ysgol Ymchwil Rhagnodi Cymdeithasol Cymru yw gwella iechyd a lles cymdeithas trwy ymchwil i ragnodi cymdeithasol a’i werthuso mewn modd rhagorol.

Mae Ysgol Ymchwil Rhagnodi Cymdeithasol Cymru (WSSPR) dan arweiniad ymchwilwyr ym Mhrifysgol De Cymru ac mae’n ysgol Cymru gyfan.

Rydym yn defnyddio model ymchwil trosiadol i sicrhau bod canfyddiadau yn cael effaith fawr yn y byd academaidd, ymarfer, polisi ac addysg.

Mae rhagnodi cymdeithasol yn “cysylltu dinasyddion â chymorth cymunedol i reoli eu hiechyd a’u llesiant yn well”. Yng Nghymru, mae rhagnodi cymdeithasol i’w gael yn y gymuned yn bennaf, gyda rhagnodwyr cymdeithasol yn cael eu hariannu gan sefydliadau’r sector gwirfoddol. Gellir cyfeirio unigolion at ragnodi cymdeithasol trwy lwybrau clinigol a chymdeithasol, ac mae model hunan-atgyfeirio yn dod i'r amlwg.

Ariennir Ysgol Ymchwil Rhagnodi Cymdeithasol Cymru (WSSPR) gan Lywodraeth Cymru drwy Ymchwil Iechyd a Gofal Cymru ac mae’n rhan o Ganolfan PRIME Cymru.

Cyhoeddiad diweddar: Thomas, G., Lynch, M., Spencer, L.H. (2021). A Systematic Review to Examine the Evidence in Developing Social Prescribing Interventions That Apply a Co-Productive, Co-Designed Approach to Improve Well-Being Outcomes in a Community Setting. International Journal of Environmental Research and Public Health; 18(8):3896. https://doi.org/10.3390/ijerph18083896